اسلام آباد۔ 22 جون (اے پی پی) نائب وزیراعظم اَتے وزیرخارجہ سینیٹر محمد اسحاق ڈار پاکستان دی طرفوں ایران دی خودمختاری دے خلاف جاری اسرائیلی جارحیت دی شدید مذمت دا اعادہ کریندے اسرائیل دے ناجائز اقدامات دے احتساب دا مطالبہ کیتے۔استنبول اچ او آئی سی وزرائے خارجہ کونسل دے 51 ویں اجلاس دے موقع تے اتوار کوں ایران دے خلاف اسرائیلی جارحیت دے حوالے نال اپݨے ہک بیان اچ انہاں آکھیے جو پاکستان، ایران دے خلاف اسرائیل دی بلاجواز اَتے ناجائز جارحیت دی سخت ترین لفظاں اچ مذمت کریندے?? انہاں مزید آکھیے جو اساں ایران اچ اپݨے بھراواں اَتے بھیݨاں نال اظہار یکجہتی کریندوں اَتے اسرائیل دی طرفوں شہری علاقیں کوں نشانہ بݨاوݨ دے نتیجے اچ ٻہوں ساریاں جاناں دے ضیان تے تعزیت پیش کریندوں۔انہاں آکھیے جو اسرائیلی جارحیت ایجھے ویلھے تھئی اے جݙاں بین الاقوامی ایٹمی توانائی ایجنسی اپݨا تصدیق دا عمل جاری رکھیا ہویا اے ۔ اسرائیل آئی اے ای اے دی محفوظ تنصیبات تے حملہ کرتے بین الاقوامی قوانین اَتے آئی اے ای اے دے ٻہوں سارے قوانین اَتے قرارداداں دی وی خلاف ورزی کی??ی اے?? انہاں آکھیے جو انہاں حملیں ہک خطرناک نظیر قائم کرݨ اَتے خطے اَتے دنیا بھر اچ شہری آبادیں دے تحفظ کوں سنگین خطرہ لاحق کیتے?? انہاں مزید آکھیے جو پاکستان صریح اَتے بلا اشتعال اسرائیلی جارحیت دے جواب اچ اقوام متحدہ دے چارٹر دے آرٹیکل 51 دے تحت اپݨے دفاع دے ایران دے موروثی حق دی مکمل حمایت کریندے۔نائب وزیراعظم اَتے وزیر خارجہ مزید آکھیے جو اسرائیل دا ڈوڑامعیار پوری طرح نال عیاں اے۔ اسرائیل بارے قانون دی حکمرانی، قوانین تے مبنی بین الاقوامی آرڈرز یا غیر قانونی اقدامات دے نتیجے دی کݙاہیں کوئی ڳالھ نئیں کیتی ڳئی، اے استثنیٰ ختم تھیوݨا چاہیدے?? انہاں زور ݙے تے آکھیے جو ایں کوں ہݨ ختم تھیوݨا چاہیدے?? انہاں آکھیے جو ایران دے خلاف اسرائیلی جارحیت کوئی انڄ واقعہ کائنی ۔ اے عسکریت پسندی دے ہک خطرناک اَتے مستقل نمونے دا حصہ اے جیں دا اسرائیل پورے مشرق وسطیٰ اچ مظاہرہ کیتے?? انہاں مزید آکھیے جو اسرائیلی جارحیت نہ صرف خطے بلکہ پوری دنیا دے امن و استحکام کیتے سنگین خطرہ اے۔نائب وزیراعظم/وزیر خارجہ آکھیے جو اقوام متحدہ دی سلامتی کونسل دے غیر مستقل رکن دی حیثیت نال ایران دی درخواست تے پاکستان ایران دے خلاف اسرائیلی جارحیت تے ڳالھ مہاڑ کیتے گزریل ہفتے اقوام متحدہ دی سلامتی کونسل دا ہنگامی اجلاس سݙاوݨ دی مکمل حمایت کی??ی اَتے کونسل توں مطالبہ کیتے جو او اسرائیلی جارحیت مکاوݨ کیتے وخ??ی اقدام کرے لیکن بدقسمتی نال کونسل بدستور مفلوج اے جیں تے انہاں افسوس دا اظہار وی کیتا?? انہاں مزید آکھیے جو پاکستان ایران متعلق ٻہوں سارے ݙوجھے اقدامات دی وی حمایت کیتی جیں اچ ٻہوں سارے اسلامی ملکاں دے وزرائے خارجہ دے نال نال SCO اَتے IAEA اچ کیتی ونڄݨ آلی حمایت وی شامل اے?? انہاں مزید آکھیے جو اساں ایران دے جوہری مسئلے دے پرامن ذریعے، سفارتی رابطے اَتے پائیدار مذاکرات دے ذریعے حل دی حمایت کریندوں ?? انہاں ایں اعتماد دا اظہار کیتا جو اے اجلاس نہ صرف بھرا ملک ایران دی غیر متزلزل حمایت دا اعادہ کریسی بلکہ اے واضح پیغام وی ݙیسی جو اسرائیل کوں جوابدہ تھیوݨا چاہیدے اَتے لاپرواہی، جارحیت نال علاقائی امن کوں خطرے اچ پاوݨ دی اجازت نہ ݙتی ویسی۔
وزیرخارجہ محمد اسحاق ڈار ولوں ایران دے خلاف اسرائیلی جارحیت دی شدید مذمت دا اعادہ اَتے احتساب دا مطالبہ
اسلام آباد۔ 22 جون (اے پی پی) نائب وزیراعظم اَتے وزیرخارجہ سینیٹر محمد اسحاق ڈار پاکستان دی طرفوں ایران دی خودمختاری دے خلاف جاری...
مضمون کا ماخذ : لاٹری ٹکٹ کی دستیابی
